எம்பெருமானார்(ஸல்) அவர்கள் நிறுவிய சமத்துவபுரம்

எம்பெருமானார்(ஸல்) அவர்கள் நிறுவிய சமத்துவபுரம்:

கி.பி.630ல் பெருமானார்(ஸல்) அவர்களின் தலைமையில் மக்கா நகரம் கைப்பற்றப்பட்டது. எந்த நேரத்திலும் தங்களது உயிரும் உடைமைகளும் சூறையாடப்படும் என்று மக்காவாசிகள் அனைவரும் பயந்து நடுங்கிக் கொண்டிருந்தனர்.

அப்பொழுது "பெண்கள் குழந்தைகள் மற்றும் அனைத்து பிரஜைகளின் உயிர், உடைமை, கண்ணியம் காக்கப்படும். கைது செய்யப்பட்ட போர் வீரர்கள் மிகுந்த மரியாதையுடன் விருந்தினர் போல் உபசரிக்கப்படுவர்" என்று எம்பெருமானார்(ஸல்) அவர்கள் அறிவித்தார்.

இதைக்கேட்ட மக்காவாசிகளுக்கு அளவிட முடியாத வியப்பு. போரில் தோல்வியுற்ற எதிரிக்கு மரியாதையா?. சரித்திரத்தில் கேள்விப்படாத ஒன்று. யார் இந்த மாமனிதர்?. இவர் காட்டும் வழியென்ன என்று பேராவலுடன் அலைஅலையாக கஃபாவின் முன் குவிந்தனர்.

கஃபாவின் முன்பு பெருமானாரும்(ஸல்) அவரது தோழர்களும் நிற்கின்றனர். பெருமானாருக்கு(ஸல்) அருகில் அவரது உற்ற தோழர் பிலால் எனும் கருப்பு அடிமை நிற்கிறார். ஆயிரக்கணக்கான மக்கள் பெருமானாரின்(ஸல்) பேச்சை கேட்க ஆவலுடன் காத்திருக்கின்றனர். அப்பொழுது பெருமானார்(ஸல்) அவர்கள் ஹஜ்ரத் பிலாலை நோக்கி "கஃபாவில் சென்று பாங்கு(தொழுகை அழைப்பு) கொடுங்கள்" என்று கட்டளையிடுகிறார். இதைக்கேட்ட ஹஜ்ரத் பிலால் திகைக்கிறார். "கஃபாவில் சென்று பாங்கு கொடுப்பதா?. அதுவும் நானா?. நான் ஒரு அடிமை, சூத்திரன், தீண்டத்தகாதவன், தலித். எனக்கு உள்ளே நுழைய அருகதையுண்டா" என்று மலைக்கிறார்.

"இறைவனின் இல்லம் கஃபா. உள்ளே நுழைய அனுமதியில்லாவிட்டால், மேலே ஏறி பாங்கு கொடுங்கள்" என்று பெருமானார்(ஸல்) கட்டளையிட்டார். ஆம். இஸ்லாத்தின் முதல் தொழுகை அழைப்பாளராக ஹஜ்ரத் பிலால் எனும் தலித்(அடிமை) கஃபாவின் கூரை மீதேறி பாங்கு கொடுத்தார்.

அடிமை விலங்கு உடைக்கப்பட்டது. சமநீதி, சகோதரத்துவம், சமத்துவம் நிலை நாட்டப்பட்டது. உலகின் முதல் சமத்துவபுரம் நிறுவப்பட்டது.  

சத்தியம் வந்தது,  அசத்தியம் அழிந்தது.

தலித் சகோதரனே !. அடிமை விலங்கை உடைத்து தலைமை ஏற்க இன்னமுமா தயக்கம் !!!.